100年全国语文竞赛台湾客家语朗读稿（北四县腔）

《100年全国语文竞赛台湾客家语朗读稿（北四县腔）》由会员上传分享，免费在线阅读，更多相关内容在学术论文-天天文库。

1、100年全國語文競賽臺灣客家語朗讀文章（大埔腔）目　錄【考試个時節】1【外阿公个屋】2【落雨个時節】3【食夜个時節】4【客家美食】5【?个阿姆】6【牛角會轉彎】7【廚房經驗】8【靚靚个客家盤花】9【外阿公屋背】10【好朋友阿湯牯】11【?最好看个一本書】12【好心有好報】13【阿奶个無字天書】14【?印象最深个一堂課】15【失敗个經驗】16【人公】17【?个休閒生活】18【學勤三年，學懶三日】19【養成好个讀書習慣】20【環境淨俐个重要】21【一張相片】22【?个阿奶】23【?看三國】24【?个隔壁鄰舍】25【阿爹同?】26【都

2、市同莊下个比較】27【故鄉个桐花雨】2859【阿雪姑个命】29【生活從省儉做起】30【山歌个改良同傳承】31【?係後生人，?拒絕毒品】32【?最好看个一本書】33【賺錢可比針挑竻，使錢可比水推沙】34【跋山】35【阿奶个智慧】36【阿新哥个妹】37【痛惜地球，尊重自然】38【戴个環境同客家文化】39【客家民俗】40【燈籠花】41【?對客家歌曲个印象】42【?个阿奶】43【阿奶个菜包】44【阿姆个手禁】45【問天－－記八八做大水】46【一枝草一點露】47【客語能力認證對?个影響】48【算命】49【?戴个社區】50【阿伯姆】51【閹

3、雞情】52【等花開】53【承天寺後山】54【戴久他鄉變故鄉】55【兩角銀】5659100年全國語文競賽臺灣客家語朗讀文章（大埔腔國小學生組）　編號1號【考試个時節】鄒瑞梅原作／蘇軒正譯打早天吂光个時節，吾姆斯喊?同吾哥、吾姊䟘床，因為今晡日學校愛考試。?煞煞䟘起來，看緊斯會赴毋掣了。明明昨暗晡有認真讀到三光半夜，這下仰會頭暈腦疺，連東西南北都分毋清楚？管佢三七二十一，死馬做生馬醫，時到時擔當，無米正來煮蕃薯湯。?三步腳做兩步行，走到教室，看著同學盡早斯來到學校，乜當認真在該看書。無幾久，上課个鐘聲響了，害?著驚一下，心寒膽顫，當

4、緊張。心臟差一屑斯會跳出來了。先生分好考試卷，先略略看一下，無想著逐條都係大問題。奇怪，昨暗晡个夜車坐到哪位去了？到這下還毋知好駛轉來，時間溜溜轉，鉛筆變钁頭，先生看?毋曉寫，目金金緊看?，?心肝肚緊想，但係都寫無。講乜奇怪，平常會寫个題目，這下全部都毋記得了，仰脣寫都寫毋會鬥句，斡頭看其他个同學，有人當認真在該寫，有人頭那斯會爪爛皮了，乜同?共樣寫毋出來。想著愛出門進前，吾姆還三叮嚀四囑咐，喊?愛好好考試，毋好輸分隔壁个春美。下課个鐘聲響了，不管考到仰脣，總算係放牛食草了，歸個人都鬆爽了，所有个同學，好尞个本性也走出來了，吵吵

5、鬧鬧，大家都毋記得頭先考試緊張个氣氛了。雖然都考撇了，毋過?知自家考誒毋好，尤其係考數學个時節，想到頭那斯會爆撇，國語還做得，大約使得及格。其他个科目，只有交分天命，道嘆乜無麼个用，這種感覺實在當疾苦。「人，愛人打落；火，愛人點著。」?決定了，一枝竹篙撐到底，從今以後，?定著愛認真讀書，做時間个主人，好好計劃，毋會再過開夜車讀書了，恁泥正會有好个成績，乜毋會分先生同阿爸、阿姆受氣。59100年全國語文競賽臺灣客家語朗讀文章（大埔腔國小學生組）　編號2號【外阿公个屋】羅中慧原作／蘇軒正譯講著搞、講著尞，?最好！這下个交通恁利便，總

6、愛有錢、愛有閒，愛去哪尞都使得。但係對?來講，?試著老湖口山頂个羊屎窩最好尞。吾外阿婆乜戴在羊屎窩，該窩肚有已多伙房屋，上家下屋有盡多細人伴，大家共下搞、共下尞盡生趣。吾外阿婆屋脣有一頭又高又大个榕樹，屋面前係闊闊个禾埕，屋後背有茶園同一大片个柑園，該位係?童年生活个好地方。講著該大禾埕，係吾等最輒去搞个位所。逐暗晡食飽夜，細人斯會擠共下，圍一隻圓圈，你出剪刀?出布，贏个人做王，帶頭搞囥人尋、份家啦份家啦：音funˋga+laˊ；扮家家酒。，無斯比賽打極樂、揇腰跤，大家搞到歡喜嗙天歡喜嗙天：音fan+hi^pangˋtien+；

7、欣喜異常。，鬧熱煎煎。柑園乜盡餳人。園肚種有盡多海梨同桶柑，柑樹頂个柑打忒結了，因為養分有限，柑毋會粒粒恁大、粒粒恁靚，所以愛同忒結个細柑子刪撇兜刪撇兜：音san+ped^deu+；去掉一些。，伸个正會大。吾等細人乜盡無閒、會?手同摘落來个細柑子擲到遠遠去，逐擺都比賽麼人擲最遠，最遠个人正使得分吾外阿公背核轉，這係最好个獎賞哦！吾表哥同表姊一放學，書包一拂斯拉核?，三步做兩步走到茶園去搞囥人尋，吾表姊做鬼愛捉吾等，大家一儕走一片囥起來分佢尋。吾表哥最高大，淨會囥頭毋會囥尾，屎朏翹翹，一下斯分人尋著；?較細隻，儘採鑽到茶樹下，斯囥

8、到塞塞，硬尋都尋毋著。吂知有一擺，?毋睹好嗄溜落水窟肚，手腳搉到烏青，轉到屋家，吾外阿婆看著盡毋盼得，黏時煠鴨卵同?輾烏青个腳髀。這下愐起來，實在還感心。?從細斯分吾外阿婆渡大，所以吾外阿公同外阿婆戴个羊屎窩，對?來講係帶有乳臊同老人臊个好所在。一到放尞日，?斯