106年全國語文競賽客家語朗讀文章社會組（大埔腔） 編號1號 【田丘

《106年全國語文競賽客家語朗讀文章社會組（大埔腔） 編號1號 【田丘》由会员上传分享，免费在线阅读，更多相关内容在教育资源-天天文库。

1、106年全國語文競賽客家語朗讀文章社會組（大埔腔）編號1號【田坵講話】劉玉蕉原作重陽過撇，年斯漸漸行入尾聲咧，燥絲絲个秋風，一陣接一陣吹過黃臘臘个禾田，日頭下該金色个浪花，跈風跳舞，餳來臨暗个日頭，搵浴搵浴：音vunˋrhogˋ；躺入、浸入。在這片金色个海肚。風溜溜，在恬靜个莊下放勢打潑賴，暗分个日頭絲，還係金皙皙金皙皙：音gim+siˇsiˇ；亮光閃爍。，兩儕湊緊，斯在這片黃金平洋項，盡命牯種觔斗搞囥人尋，飽米飽米：音bau^mi^；穀粒精實飽滿。个禾串頭沉沉，分厥等搣都硬硬會斷截，頭那晃去晃去：音gongˇki+；搖晃得。乜快愛喊毋敢咧。割禾哩喲，吵人个機械聲，嚇走田肚絡食个瓦雀，無結煞个

2、厥等，歸陣比比企在半天高个電線頂高，細細粒个頭那毋會安生，不時斡過來斡過去，目珠也跈頭那睞來睞去，尖尖个觜斯吱吱喳喳唊無停唊無停：音giabˋmoˇtinˇ；說個不停。，目神肚有驚心驚心：音giang+sim+；警覺心。，聲調肚有不滿。該行啊過，斯將拂頭个禾串，總掃入肚屎肚个大東西，毋單淨吵耳，還過齧察到得人惱，半頭穀串都無伸，愐著竇項不管時不管時：音bud^guan^shiˇ；任何時刻。都嘴擘擘个細鳥子，這兜做人爺哀儕个鳥，著急著命著急著命：音chogˋgib^chogˋmiangˋ；急得不得了。，跳上跌落，這種驚怕自家个子會枵著个心態，眾生共樣。機械、農藥……，原旦使得輕可絡食个事頭，這下

3、緊來緊難哩喲，該代代相傳个絡食方式，過時咧，生命還係愛延續，仰結煞呢？人類曾使毋得同大自然和平共存？這兜鳥，較愐都無解。好得，這恁久來有一陣後生人，陸陸續續轉去老屋田坵耕種，講麼个採用自然耕種法來耕田打林。所有耕作過程，做下無用著徑鼻徑鼻：音gangˋpiˋ；刺鼻。个農藥，連草都任在任在：音rhimˋcaiˋ；任由。佢生，用接近原始个方式，來對待腳下个土地。泥肉接受著這善意个訊息，佢大力敨氣，筋脈个停動牽線到老頭擺，敏感个小動物，係上天盡單純个子兒，連著這條生命訊號咧，斯開始蠕蠕動。蟲䘆鬆泥，蝶來生卵，草竇躍上躍落个，係好唱歌个唧唧蟲。知名个鳥、毋知名个鳥，乜做下目瞋瞋掌核這垤地土，大自然个食

4、物鏈，恬恬在這位寬寬運轉、循環。這同大自然共線路个田坵，所種出來个東西雖然媸，毋過特別香，特別甜，盡重要个係，百分百安全。這對注重養生个現下人來講，係優先考慮个食材哦。毋過，分等先輩愐毋通个係，明明斯上天賜分人，簡簡單單免致肚飢个食雜食雜：音shidˋcabˋ；食物的總稱。，做麼人愛費恁多心神，行恁多彎彎斡斡个徑腳路徑腳路：音gangˋgiog^luˋ；羈絆自己的方式。，臨尾正又貶倒轉來，重新過再行前人个路呢？106年全國語文競賽客家語朗讀文章社會組（大埔腔）編號2號【阿水伯婆个蓮霧】江昀原作還細時節，有一擺跈阿哥上山撿柴，佢肩胛頭撬緊撬緊：音kiau+gin^；把扁擔斜放在肩上。一支擔

5、竿同一擐絡索絡索：音logˋsog^；繩索。，行過上屋阿水伯婆屋面前，看著屋側膁屋側膁：音vug^zed^rham^；屋旁。个蓮霧熟咧，斯喊?先走去頭前500公尺个草頭下囥核，番咐?：「等下聽著狗吠、伯婆罵，你毋好噭、毋好驚，乜使毋得出聲哦，知無？」阿哥緊比頭前該墩大嫲頭个乾草，又講：「你一聽著?開聲喊斯開始走，知無？」?單淨戇戇緊頷頭，毋敢講毋好，對?來講這係當得人驚个事情。等?囥好勢，遠遠看著阿哥擎擔竿去揰蓮霧，蓮霧溚溚跌，烏狗一聽著聲忒等，斯煞猛牯吠，吠到幾下重山都聽得著，硬硬愛食撇人个樣。阿哥手腳當遽，拈著幾粒蓮霧斯遽遽走分狗逐，阿水伯婆聽著狗吠聲，走出屋簷下大大聲緊咄咄：音doiˋ；

6、大聲斥責。：「高毛子，又來偷摘吾蓮霧，等下去投若奶，佢定著同你打到半生死……。」吂等阿水伯婆罵煞，阿哥起腳走，一路喊?走較遽兜，?還係一路走一路噭，兩儕走到無力正停落來。阿哥同蓮霧用衫帕捽捽嚟，分分?幾下粒，喊?毋好噭遽遽食，恁熱个天時，摸著涼涼个蓮霧，轉噭換笑，蓮霧酸酸無已好食，毋過有水份斯罔吞，一下那等斯食淨淨咧。阿水伯婆係莊頭莊尾盡齧察又盡惡个婦人家，上莊下莊都真出名，罵人斯像放送頭放送頭：音fongˋsungˋteuˇ；擴音機。个樣，la-rhi-rho撙啊開，斯毋記得關撇。自阿水伯公過身10外年來，厥倈、心臼同厥爸送上山頭無幾久，搬个搬、瀉个瀉，過年過節乜罕得聽著，有哪個倈妹轉來看佢

7、。孤孤栖栖个阿水伯婆，越無伴越孤栖，斯越致噥噥哢哢噥無停。平常時乜無人敢過來尞，該日堵著吾哥恁番綻，偷摘厥蓮霧，吾等兩個走都當遠咧，還有聽著佢咒孤罵絕个聲音。有一擺，吾等兄弟姐妹共下聚總个時節，講起頭擺這個古，阿哥講：「阿水伯婆个蓮霧又酸又澀哪有好食，?實在毋係好摘厥蓮霧，係挑知愛搣佢出來罵人，試著該畫面真生趣忒等，想著佢一個人自家戴，無伴無陣又無人敢去厥屋家，係有麼个長短全無人知，去搣佢一下，知