语文人教版九年级下册讲究文采.docx

《语文人教版九年级下册讲究文采.docx》由会员上传分享，免费在线阅读，更多相关内容在教育资源-天天文库。

1、2.ꎔꇁꃨꌠꀒꎂꇓꈓ执教老师——马海阿芝ꋍ.ꂘꌷꌠꊿ(教学对象)——高二（1.3.4）ꑍ.ꂘꌷꑞꅉ(教学目标)：1.ꎵꆹꃼꀋꅑꃅꌷꊱꀘꄎ。2.ꌷꊱꈐꏭꅇꉙꈧꌠꌷꇇꈐꊐ，ꋍꂷꋑꀋꋒꄜꇐꐝꉅꇈꌌꌬꈧꄎ。3.ꀒꎂꇓꈓꑞꒉꄸꃅꂓꅑꋧꃅꈨꄎꌠꐝꉅ。4.ꀒꎂꇓꈓꎔꇁꃨꐨꌋꆀꐛꐈꀻꎆꐨꈍꃅꐙꌠꐝꉅ。5.ꌷꊱꊂꃅꈩꈧꌠꂱꑱꄝꇖꂟꅉꇬꈳꄉꃅꇫꑟꄎ。ꌕ.ꂘꌷꀋꉬꀋꉆꅉ(教学重点)：1.ꌷꊱꈐꏭꅇꉙꀋꉬꀋꉆꈧꌠꌷꇇꇓꈓꊐ。2.ꀒꎂꇓꈓꎔꇁꃨꐨꌋꆀꐛꐈꀻꎆꐨꈍꃅꐙꌠꐝꉅ。ꇖ.ꂘꌷꊋꋠꅉ（教学难点）ꀒꎂꇓꇓꎔꇁꃨꐨꌋꆀꐛꐈꀻꎆꐨꐝꉅ。ꉬ.ꂘꌷꄮꈉ（课时安排）ꂘꌷꄮꈉꌕꂷꈁꃘ.ꂘꌷꄮꈉ

2、ꋋꂷ（本堂课）ꑍꂷꂶꌠ（第二课时）(ꋍ)ꂘꌷꅍ(教学内容)ꌷꊱꋍꌋꆀꑍꐛꊙꌠꑭꋧꃅꎥꃪ(ꑍ)ꂘꌷꈭꈜ（教学过程）：1.ꌶꀱ(复习)(1)ꀋꑍꂴꄹꉇꁱꃅꈧꌠꌶꌺꁰꄻꌊꈍꃅꐙꌠꌶꌺꑍꂷꁳꁱꀕꀻꇬꄀ。①ꂘꃀꌶꌺꐯꇯꐛꅀꀋꐛꌠꄺ。②ꂘꃀꁱꄻꌊꐛꒆꁬꁱꄉPPTꌊꃑꌶꌺꀨ。ꑋꈌꁏꀐ,ꄩꆹꃅꑆꃴꇉꀕ；ꀏꆹꅉꌗꊷꆣꀕ。ꑳꉎꁧꐙꌩꋦꆈꊉꀕ，ꌩꏾꃴꍚꀕ。ꑳꐮꒊꃀꒉꐚꐝꍠꀕ，ꒉꃴꉜꏂꀜꆗꏿ。ꒉꋮꐦꇬꋚꅿꉘꁇꁉ。ꄹꇬꄺꑓꁬꃨꆰꃨꀕꈍꀕ。ꈁꉜꈀꋽꀕ。(2)ꂘꃀꆏPPTꌊꀒꄹꉇꌷꋺꌠꅇꉙꈧꌠꃑꎼꇁ。①ꌶꌺꁳꋌꁥꐯꇯꋓꃅꅇꉙꋋꈨꋍꂷꑍꃢꀘ。②ꌶꌺꀘꌊꐛꀋꐛꅉꇬꆏꂘꃀꋊꍬꇈꄺꀱꌊꐛꀕꃅꀘꎻ

3、。ꂓꅑꂒꋦꑳꉎꁧꐙꁧꐙꌩꋦꑳꐮꐦꐛꉂꐪꉂꏣꒉꃴꉜꏂꐰꇐꎭꈓꉌꐡꑓꇗꍏꉷꊿꋅꑭꈁꂾꃚꉂꇁꑟꅇꉘꇉꈝꃀꐩꋊꈝꃀꏁꇅꁤꇅꁦꀑꁧꄩꁧꐙꄇꈜꐕꍯꉺꍯꁦꅂꇈꐂꃅꄷꁡꇤꋦꁧꅐꇐꁌꐥꄣꐥꆀꇁꉷꌺꎆꎹꋚꈹꀑꁮꅺꐳꈪꑌꇔꍣꈏꇤꊋꇤꀊꆨꐥꐨꊂꋊꌺꇖꁍꇁꀿꃀꊫꂫꈝꂾꃅꑍꃅꉖꐧꋦꁡꇤꄺꀱꁉꃑꋍꑍꋍꉙꀑꎔꑊꎔꑳꎔꇣꃨꏦꎫꁡꇤꄆꅇꄆꑟꐚꁦꐧꋦꐤꎭꄻꎭꒊꇙꒋꇙꁮꅉꀉꆹꁮꅉꀊꏀꐯꌉꐮꆳꐮꋠꐮꅝꁮꇁꐚꏛꌳꈄꀋꃀꇓꈐꇓꉈꂽꏂꂽꑼꁧꉺꇉꉼꁧꐙꇱꋓꐛꃆꐛꂮꃆꏂꊂꑋꆈꊉꀕꐼꇉꀕꉘꁇꁉꃴꇉꀕꅡꊪꀕꏁꌬꀕꅩꇉꀕꊷꆣꀕꐍꐷꀕꅔꆙꀕꁤꇅꀕꐝꍠꀕꉙꏦꀕꐍꊏꀕꎵꑳꀕꑖꈈꀕꒊꆭꀕꆈꒉꀕꆈꉘꀕꏁꍅꀕꉌꋲꀕꎔꒌꄀꐛꏀꁏ

4、ꋓꉔꏽꏍꈴꏿꎔꒌꋦꄳꇑꑣ(3)ꂘꃀꅲ：《ꎔꇁꃨꌠꀒꎂꇓꈓ》ꃅꋋꊱꁱꊿꆹꈀꋩꉬ？ꁱꉻꆹꑞꑵꌠꉬ？ꀱ：ꁱꊿꆹ——ꐞꁠꏧꉐꁱꉻꆹ——ꁗꁱꀕꇐ。2.ꀊꏀꌠꌷ(学习新课)(1)ꋍꐛꊙꌠꌷ(ꎥꃪ)：①ꌶꌺꋌꁥꐯꇯꌷꊱꋍꐛꊙꌠꋓꃅꋍꃢꀘꇈꅲꅇꀱ。(ꂘꃀꅲ，ꌶꌺꀱ，ꀋꐛꅉꂘꃀꋊꍬꄉꎃꊒꃅꀱ)ꂘꃀ：②ꌷꊱꋍꐛꊙꊘꌠꑞꃆꂮꁱꌠꉬ？ꌶꌺ：ꀒꎂꇓꈓꎔꇁꃨꐨꈍꃅꐙꌠꃆꂮꁱ。ꂘꃀ：③ꁱꊿꀒꎂꇓꈓꎔꇁꃨꐨꃆꂮꁱꇬꈍꑋꁁꏯꈴꄉꁱ？ꑞꀕꈨꇬꈴꄉꁱꀐ？ꌶꌺ：ꉬꁁꏯꈴꄉꁱꀐ。a.ꑳꉎ…，ꑳꐮ…。b.ꀈꉙꑗꒉ(ꎔꇁꃨꌠ…)。c.ꀒꎂꎿꃀ(ꃴꇉꀕ…)。d.ꀒꎂꅚꍃ(ꁧꐙꉨꌋꋽ…)。e.ꁭꅐꉘꁮꅐꇁꄮ

5、ꇬ(ꏁꌬꀕ…)。f.ꈨꏮꈞꆈꃹꒉꄮꇬ(ꅩꇉꀕ)。④ꂘꃀꆏPPTꌊꄚꄩꀱꅇꈧꌠꃑꎼꇁ。(2)ꌷꊱꑍꐛꊙꊘꌠꌷ(ꎥꃪ)：①ꌶꌺꋌꁥꐯꇯꋓꃅꄉꌷꊱꑍꐛꊙꊘꌠꋍꃢꀘ。②ꌶꌺꁳꀘꌊꐛꀋꐛꅉꇬꋊꍬꄺꀱꎻ。③ꅲꅇꀱ，ꅲ：ꌷꊱꋋꊙꇬꁱꊿꅇꇐꉏꑳꏡꁈꈍꑋꑵꌬꀐ？ꑞꀕꈨꉬꀐ？(ꀱꅇꈧꌠꆏPPTꌊꃑꎼꇁ)ꀱ：ꑍꑵꌭꀐ，ꋓꐊꌋꆀꊿꌟꃅꑍꑵꌬꀐ。a.ꑍꆏꈧꌺ……;ꌊꆏꆪꌺ…….。b.ꃅꑌꑭꐨꋍꁘꋍꁘ…，ꑭꈁꂾꃚ…。④ꌷꊱꋋꊙꀋꉬꀋꉆꌠꑞꃆꂮꁱꌠꉬ？(ꀱꅇꈧꌠꆏPPTꌊꃑꌶꌺꀨ)ꀱ：ꀒꎂꇓꈓꂓꅑꋧꃅꈨꌠꒉꄸꃆꂮꁱ。⑤ꒉꄸꀋꉬꀋꉆꌠꆹꑞꉬ？(ꀱꅇꈧꌠꆏPPTꌊꃑꌶꌺꀨ)ꀱ：ꀒꎂꇓꈓꃑꎼꆹ

6、ꌠ“ꊿꄻꏮꏸ”ꋍꂷꇈꋍꂷꃅꀕꃴꇬꃹꆹꄎꐛꅹ。(3)ꂘꃀꂫꎤꅇꉉ：ꀃꑍꉪꀒꎂꇓꎔꇁꃨꐨꈍꃅꐙꌠꌋꆀꑞꒉꄸꃅꂓꅑꋧꃅꈨꌠꃆꂮꌷꀐ。…。3.ꁱꃅ：(1)ꌷꊱꊁꇖꐛꊙꌠꑞꊙꑞꃆꂮꁱꌠꉪꏡꎥꃪꒉ。(2)ꌷꊱꋋꊱꋍꃢꀘꒉꌦ。(3)ꌷꊱꋍꐛꊙꌠꋍꃢꐒꎼꇁ。马海阿芝2017-04-03